Niireke Nyuwo Muhaana Ohiyererya?

Anamalaleerya akina, annihiya olaleerya waphiya okathi olimalenle aya ohiyererya, mwa ntakiheryo, othana. Tthiri, mikhalelo sa akina pooti owiiriha ohiyererya olaleerya mwa okathi ntoko owo. Masi niireke nyuwo muhaana ohiya olaleerya paahi mwaha woowi akina murina anyu annipaka eyo, wala mwaha wa woowi atthu muttetthe anyu alimalenle ohiyererya miteko saya okathi owo? Mookhala oovikaniha olaleerya hata sikhalaka minutu vakhaani, nuumala-vo, khulaleerya mapuro ari atthu, ntoko olaleerya mphironi? Wala munoowerya opaka irevisita empa emosa wala piili okathi munrowa anyu owaani? Muupuwele moota onirowa anyu ohakalala mwamphwanya owannya awe pooti okhala mutthu mmosa paahi onisiveliwa ekeekhai, wala onvaha irevista mutthu onivira! Nto, akhala wira khaninrowa ohiya olaleerya, masi nnoovikaniha pooti okhala minutu vakhaani paahi, nnimuncererya “mukuttho [ahu] w’otthapela”.​—aHéb. 13:15.