Eprograma ya Esumana 8 ya Dezembro

ESUMANA 8 YA DEZEMBRO

Nsipo 6 ni Nivekelo

□ Yoosoma ya Biibiliya ya Muloko:

my muru 64 (30 min.)

□ Exikola ya Orummwa wa Muluku:

Omusoma Biibiliya: Yoxuwa 1-5 (10 min.)

N.° 1: Yoxuwa 1:1-18 (4 minutu wala ohiphiya)

N.° 2: Xeeni Yehova Onaathanla Awe Atthu Akina Wira Akhale Apatthani Awe?​—bh muru 12 itti. 1-3 (5 min.)

N.° 3: Yehova Onaakhaliherya Sai Arumeyi Awe?​—bh muru 12 itti. 4-5 (5 min.)

□ Muthukumano wa Orummwa:

Muru wa Mweeri Ola: Nilaleye ‘itthu sorera’ seiyo Muluku onivanhe awe.​—Math. 12:35a.

Nsipo 94

10 min: ‘Itthu Sorera’ Ninlipelela Ahu Mweeri Ola. Mwaha. Muttittimiherye muru wa mweeri ola. (Math. 12:35a) Hiyo nihaakhela mihakhu sa omunepani maana ohaavo onixuttinhe ekeekhai. (Nwehe A Sentinela, 1 a Abril, 2002, epax. 16, itti. 5-7.) Nto, nihaana waaleelaka akina ‘itthu sorera’nixuntte ahu. (aGal. 6:6) Muttittimiherye ‘itthu sorera’ ninrowa ahu wiixutta mMithukumano sa Orummwa mweeri ola. Ipantte iyo sinoonikhaliherya moota wowiixuttiha saana, nave-tho nnimwiixutta wiipa masipo a niinano.

20 min: “Nilokiherye Inamuna Sahu Soolaleerya: Mooniherye Yoosoma ya Biibiliya Murumeelaka Eliivuru Biibiliya Oniixuttiha Exeeni”. Mwaha ni makoho vakhanani. Munvekele munna oophwanelela wala pioneero wira ooniherye yoosoma ya Biibiliya orumeelaka eliivuru Biibiliya Oniixuttiha Exeeni.

Nsipo 96 ni Nivekelo