Mwaakhaliheryeke Aniinyu Wunnuuherya Omwaamini Waya Mpattuxa

Soopattuxiwa sinnilaleya ovuwa wa Yehova. (Esa 19:2-5; 139:14) Masi, olumwenku ola wa Satana onnikumiherya soowiixuttiha sinimunyohola Muluku, voohimya sa moota okumi opacenrye awe. (aRo 1:18-25) Munrowa waakhaliherya sai aniinyu olokiherya muupuwelo ni murima aya voohimya sa soowiixuttiha iyo? Mpacerye waakhaliherya nlelo ari ene acikhaani wunnuuherya waamini waya wira Yehova ookhala tthiri. (2 aKor 10:4, 5; aÉf 6:16) Mphaveleke osuwela moota anoonela aya ele aniixuttihiwa aya oxikola, nto murumeeleke ikaruma sirina ahu wira nwiixuttihe moovara murima.​—Mir 20:5; Ya 1:19.

NUUMALA OWEHA EVIIDIYU ENI: ELE ENIHIMYA AYA AMIRAVO AKINA—OMWAAMINI MULUKU, NTO MUTHOKORERYEKE MAKOHO ALA ANITTHARELANA:

• Yoowiixuttiha xeeni ya ethiru voohimya sa Muluku yoosuwelexiwa mmuttettheni mwanyu?

• Exeeni eniixuttihiwa oxikola wanyu?

• Exeeni enookupalihani wira Yehova ookhala tthiri?

• Munrowa waakhaliherya sai akina okupali wira Muluku topattunxe itthu sotheene?