WAAKHULIWA WA MAKOHO A MBIIBILIYANI
Niireke ehaavo yoolipelela wa atthu akhwiiye?
Okhwa onilikanasa ni orupa. Ole okhwiiye khonisuwela etthu ni khoniwerya opaka etthu. Masi, Ole opattunxe okumi onirowa waahihimuxa ale akhwiiye. Mwa ntakiheryo, Muluku aahinvaha ikuru Yesu wira aahihimuxe atthu ookhwa.—Mmusome Musuweli 9:5; Yohani 11:11, 43, 44.
Muluku ooleiherya wira ale akhwiiye ari mmuupuweleloni mwawe, anoohihimuxiwa wira akhalane ekumi elapo esya ya xariya. Masi, awo ahaana ovikaniha okhala mmahiye mpakha okathi Muluku onrowa awe waavaha-tho okumi. Muluku Oowerya sotheene onniphavela tthiri orumeela ikuru sawe wira waavahe-tho okumi ale akhwiiye.—Mmusome Yobi 14:14, 15.
Ohihimuxiwa onrowa okhala sai?
Okathi Muluku onirowa awe waahihimuxa atthu, awo anooweryaka wiisuwela, waasuwela apatthani, ni amusi aya. Okhala wira erutthu ya pinaatamu ennookhwa, Muluku onoowerya omuhihimuxa mutthu mmosaru onvahaka erutthu esya.—Mmusome 1 aKorinto 15:35, 38.
Atthu vakhaani paahi tanihihimuxiwa wira yakhaleke wiirimu. (Wisupulula 20:6) Masi anamunceene wa ale akhwiiye, anrowa okhalana okumi mparayiisu elapo ya vathi. Muluku onrowa waavaha okumi musya, wira ekhaleke mahiku otheene.—Musome Esalimo 37:29; Miteko 24:15.
Wira musuwele soohimmwa sikina, muwehe miru 6 ni 7 sa eliivuru ela, Biibiliya Oniixuttiha Exeeni Tthiri?, yoolaleiwa ni Anamoona a Yehova
Mubaxari va www.jw.org
[Elatarato eri epaaxina 16]
Okhwa onilikana sai ni orupa?