WAAKHULIWA WA MAKOHO A MBIIBILIYANI

Okhwa wa Yesu onniphwanyiha sai mureerelo?

Muluku aapattuxaka apinaatamu, aaphavela wira awo ekhaleke valaponi mahiku otheene, ehihaawaka, owereiwa wala okhwa. Masi, mulopwana oopacerya, Adamu, aahihiya omwiiwelela Mpattuxa ni khuyeleela ekumi yoohimala. Ntoko osuulu wa Adamu, hiyo noorava okhwa. (aRoma 5:8, 12; 6:23) Muluku ekeekhai, Yehova, aahimuruma Mwanawe, Yesu, orwa valaponi wira okhwe oliveryaka ele Adamu ayelenle aya.​—Mmusome Yohani 3:16.

Okhwa wa Yesu onniniiriha oleveleliwa soottheka sahu ni ophwanya okumi woohimala muhoolo. Biibiliya onninooniherya moota okumi onrowa aya okhala valaponi vaavo nihinrowa ahu wuuluvalaka, owereiwa wala okhwa.​—Mmusome Yesaya 25:8; 33:24; Wisupulula 21:4, 5.

Nuupuweleleke sai okhwa wa Yesu?

Ohiyu ohinatthi Yesu okhwa, aahaaleela atthareli awe wira yaahaana wuupuwelela okhwa wawe apakaka niira noohaattiheriwa itthu. Wuupuwelela okhwa wa Yesu khula mwaakha, onniniiriha oxukhurela ophenta wuulupale wa Yehova ni Yesu.​—Mmusome Luka 22:19, 20; 1 Yohani 4:9, 10.

Mwaakha ola, Wuupuwelela okhwa wa Yesu, onrowa okhala eSegunda-feira 14 a Abril, nuumala nsuwa okela. Nyuwo munnilattuliwa orowa omuthukumanoni wa Anamoona a Yehova mmuttettheni mwanyu.​—Mmusome aRoma 1:11, 12.

Wira musuwele soohimmwa sikina, moone miru 4 ni 5 sa eliivuru ela yoolaleiwa ni Anamoona a Yehova

Mubaxari va www.jw.org/vmw