Yoolepa ya Nihiku Khenrowa Othokoreriwaka Mmuthukumano wa Orowa Olaleerya

Khalai, okathi mukina yoolepa ya nihiku yaanithokoreriwa mmuthukumano wa orowa olaleerya akhala wira yaanivarihana ni olaleerya. Nto, mwiirelo owo woomala. Efolyeeto Examine as Escrituras Diariamente, ehithokoreriweke mmuthukumano wa orowa olaleerya. Nto, ale aniiriha mithukumano iyo amurumeeleke Biibiliya, Orummwa ahu wa Omwene, Escola do Ministério, Raciocínios, ni iliivuru sikina sinireerela mmuteko wa olaleerya. Ale anithanliwa wiiriha mithukumano iyo, ahaana ohimya itthu sinivareleya muteko ni sinaakhaliherya ale anrowa olaleerya nihiku nno. Ntoko siiraneya aya khalai, muthukumano owo ohivireke minutu10 wala15, ni akhala wira muthukumano owo oniiriwa nuumala muthukumano wa mmulokoni, khonitthuneya ophiya minutu iyo.