Olaleerya Wookhweya

Wira Nipacerye Soosoma sa Biibiliya eSaabadu Yoopacerya ya Outubro

“Mahiku ala ootakhala, sinnikhumelela itthu sinixankiha itthoko. Munoonela sai, opuro xeeni nikhanle ahu oophwanya malakiheryo oororomeleya aniiriha itthoko okhala soohakalala?” Nwehereryeke waakhuliwa. Nto munvahe mwaneene etthoko erevista A Sentinela 1 ya Outubro, ni muthokorerye masu a epaaxina 16 ni 17 ni musome yoolepa eromoliwe vaavo. Munvahe irevista iyo, ni mumpake palano wira mwaakhule nikoho ninttharelana.

Sentinela 1 ya Outubro

Mmooniherye ekaapa ya erevista, nto mmukohe so: “Mwaarowa woonela sai, mwaasuwenle wira itthu mwiixuttihiwe anyu voohimya sa Muluku ti sowoothiwa? [Nwehereryeke waakhuliwa.] Nkahaya nwehe ele Yesu ahimmye awe moota woosuwela ekeekhai ni itthu sihikhanle sekeekhai. [Mmusome Yohani 17:17.] Biibiliya paahi tonihimya ekeekhai voohimya sa Muluku. Erevista ela, ennithokorerya itthu 5 sowoothiwa voohimya sa Muluku, seiyo Biibiliya onooniherya awe”.

Despertai! a Outubro

“Olelo, nnaaxukurya atthu nivaraka muteko onikhaliherya itthoko. Nyuwo munoonela sai, ti vooxankiha vanceene axitiithi waahuwa anamwane? [Nwehereryeke waakhuliwa.] Anamuyari anceene annimuroromela Biibiliya wira aakhaliherye. Mwa ntakiheryo, aakhala masu ala ooloka anaakhaliherya anamuyari vaavo anaalaka aya anamwane. [Mmusome aÉfeso 4:31.] Erevista ela ennooniherya moota malakiheryo a Biibiliya, aniwerya aya waakhaliherya anamuyari waahuwa saana anaaya, okhuma onamwane aya mpakha ophwanya emwali wala emiravo”.