Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Outubro

“Anamunceene anikupali wira Muluku onrowa waaphukela atthu ottharihelaka sowiira saya. Nyuwo munupuwela wira nihaana woova Nihiku Noophukela, wala nihaana olipelelaka moohakalala? [Nwehererye waakhuliwa.] Nkawehani ele ehimmwale va”. Munvahe mwaneene etthoko erevista Owehaweha 1 ya Outubro ni muthokorerye hoothe masu ari vathi wa muru mwaamukhaani woopacerya epax. 16, nto muthanle yoolepa wira musome. Munvahe irevista, ni mwiiwanane nihiku nootthikela.

Owehaweha 1 ya Outubro

“Mapuro manceene mulaponi, athiyana annihaaxiwa ni ohooneliwa etthu. Mooriipiha murima, itiini soowoka sinnikhaliherya okhumelela wa itthu iyo. Nyuwo munuupuwela wira tthiri Muluku onniwoonela vatthu axithiyana? [Nwehererye waakhuliwa.] Nkawehani ele Biibiliya enaatumererya awe alopwana athenle. [Mmusome aÉfeso 5:28, 29.] Erevista ela ennithokorerya ele Biibiliya enihimya awe sa moota Muluku oniwoonela awe athiyana”.

Despertai! a Outubro

“Anamuyari anceene aniphavela wira anaaya akhalane wiixutta saana oxikola. Nyuwo munuupuwela wira amiravo animaliha osoma mahiku ala, ahiilokiherya saana voohimya sa mixankiho mokumini? [Nwehererye waakhuliwa.] Nwehe ele Biibiliya onihimya awe sa otthuneya waya okhalana osuwela ni miruku. [Mmusome Musuweli 7:12.] Erevista ela ennivaha malakiheryo 5 anivareleya muteko yaawo anaakhaliherya anamwane okhumela saana oxikola”.