Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Dezembro

“Hiyo ninniphavela okhalana ekuvernu yooloka. Nyuwo munuupuwela sai, ekuvernu xeeni eniwerya omaliha mixankiho sa apinaatamu? [Nwehererye waakhuliwa.] Nwehe ele enihimmwa-mu”. Munvahe mwaneene etthoko erevista Owehaweha 1 ya Dezembro, ni muthokorerye masu ari vathi wa muru mukhaani epax. 10, nto muthanle yoolepa emosa wira musome. Munvahe irevista, ni mwiiwanane nihiku nootthikela.

Owehaweha 1 ya Dezembro

Hiyo nimphavela osuwela muupuwelo anyu. Vaakhanle wira muniphavela omukoha Muluku nikoho nimosa, mwarowa omukoxa exeeni? [Nwehererye waakhuliwa.] Moovarihana ni Yesu, ti vootthuneya waavya waakhuliwa wa makoho ahu. [Mmusome Matheyo 7:7.] Erevista ela ennooniherya moota Biibiliya onaakhula awe makoho ala mararu ootthuneya.

Despertai! a Dezembro

“Olelo nnaaxukurya atthu mwaha woowi anamunceene annaakuva onanariwa. Niireke munniweha wira mahiku ala atthu waakuva onanariwa? [Nwehererye waakhuliwa.] Atthu akina anikupali wira ninkhala mahiku yaale yaahimmwale okhala okathi wooxankiha. [Mmusome 2 Timótheyo 3:1.] Erevista ela ennihimya xeeni onanariwa oryaaya wowoopiha ni ennivaha malakiheryo anrowa onikhaliherya okhala oopixa murima”.