Olaleerya Wookhweya

Wira Nipacerye Soosoma sa Biibiliya eSaabadu Yoopacerya ya Dezembro

“Moohaaniherya nyuwo munnikupali wira khuta mutthu onniphavela okhalana apatthani. Nto, mukhalelo xeeni oniphavela anyu wira mpatthani okhalaneke? [Nwehereryeke waakhuliwa.] Nkahaya nwehe ela enooniherya nthowa naya vanitthuneya ahu waathanlaka saana apatthani ahu”. Nto munvahe mwaneene etthoko erevista A Sentinela 1 ya Dezembro, ni muthokorerye masu ari vathi va muru mwaamukhaani epaaxina 16. Nave musome yoolepa eromoliwe vaavo. Munvahe irevista iyo, ni mumpake palano wira mwaakhule nikoho ninttharelana.

Sentinela 1 ya Dezembro

“Mootoko wiikoha nthowa naya mahiku ala vanitepa aya okhumelela ihasara seephattu sinci? [Nwehereryeke waakhuliwa.] Biibiliya aahihimya vahinatthi wira wamphiya okathi wa ihasara sinceene. [Mmusome Matheyo 24:7, 8.] Erevista ela ennaakhula makoho ala ani: Xeeni olelo-va vanitepa aya okhumelela ihasara sinceene? Khahiyo ehukhumu ya Muluku? Exeeni enooniherya wira moohipisa, Muluku onoomaliha ihasara sotheene seephattu?

Despertai! a Dezembro

Mmusome 2 Timótheyo 3:16. Nuumala, muhimye so: “Akina anneemya wira Muluku tori Mwaneene Biibiliya; masi akina khaneemya. Nyuwo munoonela sai? [Nwehereryeke waakhuliwa.] Nnaamwi moonelo wa atthu ovirikanaka mmwaha owo, masi vannikupaleeliwa wira khiivo eliivuru ekina yeeyo yaaphaveliwa omala-malihiwa, ohikhanle Biibiliya paahi. Erevista ela ennihimya itthu sikina saapakiwa mwa iyaakha sinceene wira omala-malihiwe Biibiliya ni wira ohisomiweke. Nave-tho ennitthokiherya nthowa naya vahiweryanen’ya aya ommala-maliha Biibiliya”.