Olaleerya Wookhweya

Wira Nipacerihe Soosoma sa Biibiliya Esaabadu Yoopacerya, Maio

“Etthu emosa ninlikana ahu ni atthu otheene ti woowi ninnivonya. Niireke mootoko wiikoha akhala wira Muluku onniwerya olevelela tthiri itthu sootepa otakhala”? [Nwehererye waakhuliwa.] Mmooniherye epaaxina 15 ya Owehaweha 1 ya Maio, ni muthokorerye mwaha ori vathi va nikoho noopacerya, ni musome yoolepa emosa eromoliwe. Munvahe irevista, ni mwiiwanane nihiku nootthikela wira mwaakhule nikoho ninttharelana.

OWEHAWEHA 1 ya Maio

“Nimphavela osuwela moonelo anyu sa yoolepa ela. [Mmusome 1 Yohani 4:8.] Atthu anci annikupali moolumo ala, masi akina anuupuwela wira Muluku tootakhala mwaha wookumiherya wala ohiyererya, ihasara sa ephattu. Munoonela sai? [Nwehererye waakhuliwa.] Erevista ela ennooniherya mathowa ooloka vahinitthuneya ahu wuupuwelaka wira Muluku tootakhala”.

Despertai! a Maio

“Hiyo ninaaxukurya anamwaattamanani ahu nilavulaka sa muxankiho muulupale, ori ekrime. Akina anuupuwela wira enamuna yoomaliha ekrime ori owuncererya mapoliisia manceene. Nyuwo munoonela sai? [Nwehererye waakhuliwa.] Munnisuwela wira Biibiliya onnileiherya omala wa ekrime? [Musome Esalimo 37:10, 11.] Erevista ela ennithokorerya mwaha owo ni ennivaha malakiheryo makina anivareleya muteko nikhanle ahu oorumeela wira niikhapelele voohimya sa ekrime”.