Mulavuleke Mwaha Mmosa, Masi Muhiyeke Irevista Soopiili

Irevista sahu sookhalana myaha soovirikana ni soohakalaliha. Nto, ohiya olavula myaha sinceene khula empa, ti vooloka olavula mwaha mmosa paahi. Nakhala atthu oowehaweha ni osuwela saana myaha sa irevista sahu, nnoowerya othanla mwaha mmosa wa Owehaweha wala Despertai!, yoowo onirowa omusivela mwaneene etthoko. Mwa ntakiheryo, akhala wira ninnoona vatthokoni itthu sinithweeliha ni anamwane, hiyo pooti othanla mwaha onilavula sa okumi wa vatthokoni. Akhala wira mulopwana tonirwa olavula ni hiyo, nihaana othanla mwaha onaasivela alopwana anceene, ntoko eguvernu yooloka. Nnaamwi nilavulaka mwaha mmosa paahi, hiyo nihaana ohiyaka irevista soopiili ni mwaneene etthoko akhala wira owo onnisiveliwa ekeekhai.