Mpacerihe Soosoma sa Biibiliya eSaabadu Yoopacerya

Okhuma mweeri wa Maio 2011, anamalaleerya annitumereriwa opaceriha soosoma sa Biibiliya eSaabadu yoopacerya ya khuta mweeri. Ti maana aya elokiheriwe aya epantte eni: “Waakhuliwa wa Makoho a mBiibiliyani”, enikhumela erevista Owehaweha ya atthu otheene. Tivonto, muthukumano wa olaleerya a eSaabadu yoopacerya ya khuta mweeri, ohaana ottittimiherya moota woorumeela epantte ela wira nipacerihe soosoma sa Biibiliya; nave, ehaana opakiwa yowooniherya.

Axitokweene pooti othanla akhala wira khula egrupu ya muteko woolaleerya enrowa othukumana mapuro oovirikana eSaabadu yoopacerya, wala akhala wira igrupu sotheene sinrowa othukumana oSalau wa Omwene. Masi, akhala wira miloko sinceene sinirumeela Esalau emosaru, nihiku nna na vameekhaaya noopaceriha soosoma sa Biibiliya nihithaamiheriwe nihiku nikina moophavela ophitaanya igrupu sa muteko woolaleerya.