Olaleerya Wookhweya

Wira Nipacerihe Soosoma sa Biibiliya eSaabadu Yoopacerya, Março

“Nnaaxukurya atthu mwaha wa niira ninrowa wiiraneya 14 a Abril. Nihiku nlo, nnuupuweleliwa okhwa wa Yesu. Anamunceene anirowa wuupuwelela niira nlo mwaha woowi annikupali wira okhwa wa Yesu ti wa faita. Akina khanisuwelexa saana ele okhwa wa Yesu enitaphulela aya. Munoonela sai, niireke okhwa wa Yesu onniniphwanyiha mureerelo?” Nwehererye waakhuliwa. Mmooniherye epaaxina yookiserya ya Owehaweha 1 ya Março, ni muthokorerye hoothe mwaha ori vathi wa nikoho noopacerya ni muthanle yoolepa emosa wira musome. Munvahe irevista, ni mwiiwanane nihiku nootthikela wira mwaakhule nikoho ninttharelana.

Owehaweha 1 ya Março

“Atthu anceene annikoha nthowa naya Muluku ohinimaliha awe ohaawa molumwenkuni. Munoonela sai, niireke Muluku onnaathokorerya apinaatamu, wala vanoomusivela atthu yahaawaka? [Nwehererye waakhuliwa. Nto mmusome Yohani 3:16.] Nnaamwi atthu anceene erumeelaka eveersu ela wira yooniherye okhapelela wa Muluku, awo khanisuwela wira okhwa wa mwaana a Muluku onnaaphwanyiha mureerelo. Erevista ela, ennooniherya moota okhwa wa Yesu onirowa aya omaliha ohaawa valaponi”.

Despertai! a Março

“Nnaaxukurya atthu mowaakuveya wira naakhaliherye wiiwexexa yoolepa emosa ya Biibiliya. [Musome Maphattuwelo 1:1.] Akina anikupali wira erimu ni elapo siroopattuxiwa, masi akina khanikupali. Nyuwo munoonela sai? [Nwehererye waakhuliwa.] Anamunceene vannaaxankiha okupali wira olumwenku oroopattuxiwa mwaha woowi amahoolela a itiini aniixuttiha itthu sihinivarihana ni Biibiliya. Erevista ela, ennooniherya moonelo wooloka wa Biibiliya ni ennitthokiherya saana moota olumwenku sipacenrye aya”.