Olaleerya Wookhweya

Wira Nipacerihe Soosoma sa Biibiliya eSaabadu Yoopacerya ya Marso

“Atthu anceene annitthapela oyariwa wa Yesu, nto munoonela sai, ti vooloka wuupuwelela okhwa wawe?” Nwehereryeke waakhuliwa. Nto, munvahe mwaneene etthoko erevista A Sentinela 1 ya Marso; muthokorerye masu ari vathi va muru mwaamukhaani woopacerya epaaxina 16, nto muthanle yoolepa emosa wira musome. Nave mumpake palano wira mwaakhule nikoho ninttharelana.

Sentinela 1 ya Marso

“Olelo-va sookhala ikerexa sinceene sirina sookupali ni sowiira soovirikana. Niireke wira khula mutthu oniihimya okhala muKristau, tthiri mukristau ekeekhai? [Nwehereryeke waakhuliwa.] Nwehe etthu Yesu aalavunle awe enooniherya eKristau yekeekhai. [Mmusome Yohani 13:34, 35.] Erevista ela ennitthokiherya itthu thanu Yesu aalavunle awe sinrowa onikhaliherya waasuwela maKristau ekeekhai”.

Despertai! a Marso

“Nnaaxukurya anamwaattamanani ahu nilavulaka sa muxankiho onikhumelela. Vanikhala wira mahiku ala atthu anootepa owali ni waakuva onyoonyiheya. Munoonela sai, exeeni eniiriha? [Nwehereryeke waakhuliwa.] Nkahaya moone etthu Biibiliya onihimya awe voohimya sa onanariwa. [Musome Esalimo 37:8.] Erevista ela ennitthokiherya nthowa naya atthu anitepa aya onanariwa ni moota woosyaka owali”.