Olaleerya Wookhweya

Wira Nikawe Ifolyeeto sa Nlattulo na Wuupuwelela Okhwa wa Yesu

“Ehaali? Nnaavaha atthu a mmuttettheni efolyeeto ela enlattula niira nootepa otthuneya ninrowa wiiriwa 3 a Abril. Ela ti yawinyu. Atthu anceenexa anrowa othukumana wira yuupuwelele okhwa wa Yesu Kristu ni owiriyana mwaha onooniherya mureerelo nimphwanya ahu mwaha wa okhwa wawe. Nlattulo nla ninnooniherya opuro ni okathi wa niira nlo mmuttettheni mwahu”.

Owehaweha 1 a Março

“Nihiku na 3 mweeri wa Abril, nnuupuweleliwa okhwa wa Yesu Kristu. Atthu akina a muttetthe ahu anrowa othukumana wira yuupuwelele okhwa wawe. Masi akina anuupuwela wira okhwa wa Yesu khorina efaita. Ankhi nyuwo? Niireke okhwa ni ohihimuxiwa wa Yesu onniniphwanyiha mureeerelo? [Nwehererye waakhuliwa.] Moone ele Biibiliya onihimya awe. [Mmusome 1 aKorinto 15:22, 26.] Erevista ela ennitthokiherya wira mwaha wa mukuttho wa Yesu, muhoolo okhwa onoomala valaponi”.

Despertai a Março

“Nnaaxukurya atthu naavahaka erevista ya mweeri ola ya Despertai! [Mmooniherye ekaapa.] Atthu otheene aakhalana muupuwelo aya voohimya sa nikoho nla, nni: ‘Niireke Muluku Ookhala?’ Munoonela sai, ti pani aniroromela itthu sa muhoolo, niireke taale animukupali Muluku wala ahinimukupali? [Nwehererye waakhuliwa.] Moone ele Muluku ooleiherya awe ennivaha nlipelelo. [Musome Esalimo 37:10, 11.] Erevista ela ennihimya itthu 4 sinooniherya otthuneya waya otokosa akhala wira Muluku ookhala”.