Olaleerya Wookhweya

Wira Nikawe Ifolyeeto sa Olattula Niira na Wuupuwelela Okhwa wa Yesu

“Nimphavela waavaha atthu a vatthokoni vanyu efolyeeto ela ya nlattulo na niira nootepa otthuneya ninrowa wiiriwa elapo yotheene, 26 a Marso. Nla nihiku na okhwa wa Yesu. Onrowa olavuliwa mwaha onikhuma mBiibiliyani, yoowo onrowa otthokiherya moota okhwa wawe onnikhaliherya aya. Efolyeeto ela, ennooniherya opuro ni okathi onrowa aya wiiriwa muthukumano owo mmuttettheni mwahu”.

OWEHAWEHA 1 ya Marso

“Atthu akina annikoha so: ‘Ninsuwela sai wira Yesu oohihimuwa?’ Nyuwo mootoko wiikoha mwaha owo? [Nwehererye waakhuliwa.] Nwehe xeeni oryaaya wootthuneya osuwela waakhuliwa waya. [Mmusome 1 aKorinto 15:14.] Erevista ela ennitthokiherya ele ennikupaliha wira ohihimuwa wa Yesu ohiiraneya tthiri”.

Despertai! a Marso

“Niireke munnaakhulela wira okathi ola ti woovila waahuwa anamwane? [Nwehererye waakhuliwa.] Anamuyari anceene aaphwanya malakiheryo ooloka mBiibiliyani. Mwa ntakiheryo, eveersu ela ehaakhaliherya axipaapa ophwanya okathi wira yaattottopele anaaya ni olipiha nroromelo naya. [Mmusome aKolosi 3:21.] Erevista ela ennihimya itthu 5 sinrowa waakhaliherya axipaapa”.