Olaleerya Wookhweya

Wira Nikawe Ipaphelo sa Nlattulo na Niira na Okhwa wa Yesu

“Nnaavaha atthu otheene epaphelo ela enilattula niira nootepa otthuneya. Nihiku 14 a Abril, atthu olumwenku wotheene, anrowa othukumana wira yuupuwelele okhwa wa Yesu. Onrowa olavuliwa mwaha onikhuma mBiibiliyani ohiniliviwa etthu, yoowo onooniherya moota okhwa wa Yesu onnikhaliherya aya. Ekonvite ela ennooniherya okathi ni opuro aya”.

Owehaweha 1 ya Abril

“Ninlavula sa etthu anamunceene anipaka aya. Atthu anceene, hata avirikanaka itiini, annipaka mavekelo. Munoonela sai, niireke Muluku onnaakhula mavekelo, wala ovekela onikhaliherya ovukula mixankiho sahu paahi? [Nwehererye waakhuliwa.] Nwehe ele Biibiliya onihimya awe sa nivekelo. [Mmusome 1 Yohani 5:14.] Erevista ela ennihimya moota mavekelo anikhaliherya aya”.

Despertai! a Abril

“Olelo ninlavula sa muxankiho wuulanne. Atthu akina anniriipiwa murima vanci mwaha wa mixankiho sa okumi aya ni khiyuupuwela wiixiiva. Munoonela sai, niireke mutthu owo oniphavela okhwa tthiri, wala oniphavela omaliha ohaawa wawe? [Nwehererye waakhuliwa.] Yooleiherya ela ya Biibiliya ehaakhaliherya anamunceene. [Mmusome Wisupulula 21 :3, 4.] Erevista ela ennihimya mathowa 3 wira mutthu ohiphaveleke okhwa hata okumanaka mixankiho”.