Murumeeleke Esaite jw.org Okathi Woolaleerya

Esaite ahu ennikhaliherya wira silaleiwe ihapari sooreera “mpakha omalenle elapo”. (Mit. 1:8) Atthu anceene khaniphwanya esaite jw.org mekhaya. Masi, awo anniixutta akhala wira namalaleerya onnaakhaliherya.

Mutokweene mmosa ooweetteetta oobaxari eviidiyu eni: Xeeni Vanitthuneya Anyu Omusoma Biibiliya?, khuhelaka muselulareni nto khiyawooniherya atthu okathi wooreerela. Mwa ntakiheryo, okathi onilaleerya awe, owo onihimya so: “Kinaaxukurya atthu mwa okathi vakhaani wira kaakhaliherye ophwanya waakhuliwa wa makoho 3 ootthuneya yaawo ani: Xeeni olumwenku ori aya woosareya mixankiho? Muluku onrowa omaliha sai? Ninrowa ovilela sai mixankiho iyo? Eviidiyu ela yaamukhaani ennaakhula makoho awo”. Nto onnitthitta ebutau enirumiha nto khiyalipelela moonelo wa mwaneene etthoko. Eviidiyu ela ti yoovara murima, nto atthu anci khanihiya oweha mpakha omala. Nuumala-vo, mutokweene ole onnihimya so: “Nyuwo moowiriyana wira pooti oveka yoosoma ya Biibiliya mwinterneti. Okhala wira kiri vaava, pooti owooniheryani moohipisa yoosoma eyo”. Akhala wira mutthu owo onneemya, owo onnimooniherya yoosoma eyo orumeelaka ebroxura Ihapari Sooreera. Mutthu owo aahikhalane okathi, owo onnileihana otthika nihiku nikina. Okathi onimumula awe wira olye etthu, onnipacerya ovaanela moopatthaneya ni mutthu omwaattamenle orumeelaka enamuna emosaru. Niireke munnirumeela esaite jw.org mwaalaleeryaka?