Moota Wootthokiherya Sookupali Sahu Voohimya sa 1914

Biibiliya onnintumererya ‘okhala òlikanene wira nakiherye’ sookupali sahu, ni ‘wakhula ni molumo òrera ni a nttittimiho’. (1 Ped. 3:15, 16a) Tthiri, pooti okhala vooxankiha otthokiherya ikeekhai suulupale sa Biibiliya. Mwa ntakiheryo, ninsuwela sai wira Omwene opacenrye olamulela eyaakha ya 1914? Wira nikhaliheriwe, soolokiheriwa myaha miili sa epantte eni: “Ovaanela Voohimya sa Biibiliya​—Omwene wa Muluku Opacenrye Silini Olamulela?” Myaha iyo siniphwanyaneya murevistani Owehaweha sinikawa ahu mweeri wa Outubro ni Novembro. Okathi onisoma anyu myaha iya, muthokorerye makoho anittharelana sa moota Antoonio aavaanela awe ni Tomaas oromoliwe mwa yowiiraneya eyo.

Moota xeeni munna Antoonio . . .

• aarumenle awe moolumo oottottopela ophavelaka wiiwanana ni Tomaas?​—Mit. 17:22.

• oonihenrye awe wiiyeviha okathi aatthokiherya awe sookupali sawe?​—Mit. 14:15.

Xeeni vanihimya ahu wira Antoonio aahiira saana . . .

• wuuluula iponto aalavula awe ohinatthi olavula iponto sikina?

• ophumurya okathi mukina ni omukoha Tomaas akhala wira aahiiwexexa mwaha ole?

• ohilavula mwaha wotheene nihiku nimosa?​—Yoh. 16:12.

Tthiri, ninnimuxukhuru Yehova, Mwiixuttihi ahu Muulupalexa, mwaha wooniixuttiha moota wootthokiherya ikeekhai sa Biibiliya wa ale aniphavela!​—Yes. 30:20.