Olaleerya Wookhweya

Wira Nipacerihe Soosoma sa Biibiliya Esaabadu Yoopacerya, Novembro

“Xontte, moone nikoho nla. [Musome nikoho noopacerya niri epaaxina yookiserya ya Owehaweha 1 ya Novembro.] Munoonela sai? [Musome ittima piili vathi va nikoho noopacerya, ni muthanle yoolepa wira musome.] Miyo kinootthika esumana eyo wira nivaanele nthowa naya Yesu aahihimuxa awe atthu, ni ele enitaphulela aya wa hiyo”.

Owehaweha 1 ya Novembro

“Mootoko wiikoha nthowa naya itthu sootakhala sinitepa aya valaponi? [Nwehererye waakhuliwa.] Biibiliya onnihimya nthowa naya. [Mmusome Wisupulula 12:9.] Masi, eversiikulu 12 ennooniherya wira moohipisa owerya wa Satana onoomala. [Mmusome Wisupulula 12:12.] Muru ori epaaxina 6 yoowo oni: ‘Niireke Nihaana Omoovaka Satana?’, onnooniherya moota nikhanle ahu ootthyawa owerya wawe vano, ni ele enrowa omwiiraneela muhoolo moohipisa. Ela erevista anyu”.

Despertai! a Novembro

“Atthu anniphavela okhala oohakalala, masi anamunceene khaniphwanya. Munoonela sai, exeeni enikhaliherya wira niphwanye ohakalala wekeekhai? [Nwehererye waakhuliwa.] Biibiliya ohaakhaliherya atthu anci okhalana okumi woohakalala. Mwa ntakiheryo, moone yoolepa ela. [Mmusome aHéberi 13:5.] Erevista ela ennihimya itthu 4 sinikumiherya ohakalala wekeekhai”.