Nwiixuttihe Ovikaniha Omurumeela Yehova Moohihiyererya

Sowiiraneya sinnooniherya wira anamalaleerya asya aniixuttihiwa okhuma wanipacerya okhalela nthiti muteko woolaleerya annikhala anamalaleerya ookhumela saana muhoolo. (Mir 22:6; aFi 3:16) Nwehe malakiheryo ala anittharelana anrowa omukhaliherya ole onimusomiha anyu wiixutta oratteene ovara miteko sa Muluku:

• Ole onimusomiha anyu Biibiliya eemereriwaka-ru okhala namalaleerya musya, nyuwo mpaceryeke omwiixuttiha ovara muteko owo. (km 8/15 1) Mmukhaliherye osuwela wira muteko woolaleerya ohaana okhala muhina mwa apalano awe a khula esumana. (aFi 1:10) Mulavuleke vookhalela makhalelo a atthu a muttetthe anyu. (aFi 4:8) Mmutumereryeke wira ovareke muteko woolaleerya ni muhooleli a ekrupu ni anamalaleerya akina wira iixutteke ele enisuwela aya.​—Mir 1:5; km 10/12 6 etti. 3.

  

• Ole onimusomiha anyu Biibiliya abatiziwa, muhihiye omulipiha ni omwiixuttiha ovara muteko woolaleerya, vanceenexa vakhala wira onibatiziwa ohinatthi omaliha eliivuru “Omphenta Muluku”​—km 12/13 7.

  

• Murumeeleke inamuna soolaleerya sookhweya, okathi onivara anyu muteko woo-laleerya ni namalaleerya musya. Nuumala onwiriyana olavulaka, munvaheke malaki-heryo ookhalela ni omuttottopela. Munva-heke malakiheryo yaale anoona anyu wira anoomukhaliherya okhumela saana paahi.​—km-T 5/10 7.