Nvikaniheke Olipiha Makhalelo Anyu a Omunepani Hata Yookhumelelakani Marukunuxo

Khivaniweryaneya osyaka marukunuxo, vanceenexa mahiku ala ookiserya. (1 aKor 7:31) Hata nilipelelaka wala nnaari, marukunuxo ooloka wala oohiloka pooti waakanyerya omukokhorela wahu Yehova wala wataana wahu ni yena. Exeeni enrowa onikhaliherya olipiha makhalelo ahu oomunepani okathi wa marukunuxo? Nwehe eviidiyu eni: Nvikaniheke Olipiha Makhalelo Anyu a Omunepani, nuumala-vo mwaakhuleke makoho ala anittharelana:

• Yoolopola xeeni munna mmosa anvanhe awe paapa awe?

• Emusi ele yaavarihenle sai muteko malakiheryo ari eliivuru ya Matheyo 7:25 okathi wa muxankiho ole?

• Marukunuxo xeeni emusi ele yaapanke aya ahinatthi othaama, nto eyo yaakhalihenrye sai?

• Exeeni yaakhalihenrye emusi ele olimalela marukunuxo mmulokoni ni mmuttettheni?

Marukunuxo xeeni maalupale akikhumelenle niinaano?

Kinrowa ovarihela sai muteko mweekumini mwaka malakiheryo aniphwanyaneya eviidiyu ela?