MAKHALELO A MAKRISTAU
Munnivaha Efaita Yuulupale Nuulumo na Muluku?
Biibiliya orina miyuupuwelo ni moolumo a Yehova Muluku, yoowo ori Mwaneene eliivuru eyo yowaarya. (2 Pe 1:20, 21) Okhala wira Biibiliya onnittittimiherya moota Omwene wa Muluku onrowa aya wooniherya wira olamulelo wa Muluku tori wootepexa oloka, eyo ennaakhaliherya apinaatamu okupali wira moohipisa itthu sinooloka moolumwenkuni. Nave Biibiliya onnooniherya mikhalelo sa Tiithi ahu oophenta a wiirimu, Yehova.—Esa 86:15.
Khula mutthu ookhalana mathowa manceene animwiiriha ophenta Nuulumo na Yehova. Masi, niireke ninninvaha efaita vanceene Biibiliya nimusomaka mahiku otheene ni weettela itthu nniixutta ahu? Miteko sahu sihaana wooniherya muupuwelelo mmosaru aarina awe nasalimo, yoowo aahimmye so: “Kinniphenta vanjene ikano sanyu”.—Esa 119:97.
NWEHE EVIIDIYU ENI: AWO YAANIPHENTA NUULUMO NA MULUKU—EVIIDIYU YAAMUKHAANI
(WILLIAM TYNDALE), NUUMALA-VO MWAAKHULEKE MAKOHO ALA ANITTHARELANA:
Exeeni yaamwiirinhe William Tyndale otaphulela mpantta wa Biibiliya?
Xeeni wiimananiha wawe omutaphulela Biibiliya waari aya woottottopeleya?
Moota xeeni ikoopiya sa Biibiliya a Tyndale saaroihiwe aya mwa mwiitiho wInglaterra?
Moota xeeni khula mmosa a hiyo onrowa awe wooniherya wira onnivaha efaita Nuulumo na Muluku?