Tani Kinrowa Aka Waalattula?

Khula mwaakha ninniimananiha waalattula atthu nihinaasuwela ahu a muttetthe ahu, wira yoone muthukumano wa Wuupuwelela. Masi ohiya waalattula atthu a muttetthe ahu paahi, nave nihaana waalattula atthu nnasuwela ahu. Akhala wira mutthu owo olattuliwe ni ole onimusuwela awe pooti omwiiriha orowa wuupuwelela Okhwa wa Yesu. (yb08-T epax. 11 etti. 3) Atthu xeeni muniphavela anyu waalattula?

• Amusi

• Apatthani oomutekoni wala ooxikola

• Anamwaattamanani anyu

• Irevisita sanyu, wala ale munaasomiha anyu Biibiliya, ni ale mwaatonko anyu waasomiha Biibiliya khalai

Moottharelana, axitokweene ahaana waalattula ale ahin’ye olaleerya. Nto munrowa opaka exeeni akhala wira mutthu muniphavela anyu omulattula onikhala ottaiwene? Nyuwo pooti orumeela esaiti jw.org, wira musuwele okathi ni opuro onrowa aya wiiriwa muthukumano wa Wuupuwelela muttetthe onikhala awe, murowe opuro oni ONISUWELA osulu wa epaaxina, nuumala-vo murowe opuro oni “Wuupuwelela”. Wira mwiilokiherye vahinatthi, nwuupuweleke ale muniphavela anyu waalattula ni mwaalattuleke.