Nilokiherye Inamuna Sahu Soolaleerya​—Mwaalaleeryeke Ale Ahinoona

OTTHUNEYA WAYA: Atthu anceene ahinoona vannaaxankiha ovaanela ni mutthu ahinimusuwela aya. Nto, nihaana okhala atthu a miruku wira naalaleerye. Yehova onnaathokorerya atthu ahinoona. (Ona 19:14) Hiyo nnoowerya omutakiha Yehova vakhala wira nnimwiimananiha waalaleerya atthu awo.

MOOTA WOOPAKA EYO:

• ‘Mwaaphavelaseke’ atthu ahinoona. (Mat 10:11) Niireke ookhala mutthu onimusuwela anyu orina mmusi awe ohinoona? Niireke sookhala ixikola, ixipitaali aahiiso mapuro makina ookhweya waaphwanya atthu ahinoona, wira mwaavahe iliivuru sipakeliwe aya ale ahinoona?

• Mooniheryeke wira munnaathokorerya. Okhala oopatthaneya ni waathokorerya saana ale ahinoona pooti waakhweiherya ovaanela ni nyuwo. Mpaceriheke ovaanela murumeelaka mwaha onaavara murima

• Mwaakhaliheryeke omusuwela Yehova. Wira akhaliheriwe ale ahinoona, mutthenkeso wa Yehova onnikumiherya iliivuru sa iformatu soovirikana wira saakhaliherye atthu ahinoona. Mmukoheke, eformato ya eliivuru eniphavela awe. Mutokweene oniweherya muteko woolaleerya ohaana osuwela vakhala wira iliivuru sa atthu ahinoona soovekeliwa moovarihana ni eformato mutthu owo oniphavela awe