MAKHALELO A MAKRISTAU
Awo Annivara Muteko Munceene Wiira Anikhaliherye
Axitokweene a esirkwiitu vamosa ni axaaraya anniwooniherya niphento na ekeekhai ale anaarumeela aya. Masi ntoko hiyo, ikwaha sikina awo annikhulumuwa ni annixanka. (Ya 5:17) Hata vari siiso, khula esumana awo annihiya mixankiho iyo ni annaavaha ephoole anna anaaxukurya aya wiira yaalipihe. Moohaanyiherya axitokweene awo a esirkwiitu, anniphwanelela “ovahiwa nttittimiho nuulupale”. — 1 Ti 5:17.
Okathi murummwa Paulo aaphavela awe orowa oxukurya muloko wa oRoma, wiira ‘aakawele mareeliho anikhuma wa Muluku’, owo aaphavela wiira ootheene aya ‘alipihaneke’. (aRo 1:11, 12) Ankhi nyuwo? Niireke mootoko wuupuwela moota mukhanle anyu oomulipiha mutokweene a esirkwiitu hata othenle ene wala ohithenle?
NWEHE EVIIDIYU ENI: MUTEKO WA MUTOKWEENE A ESIRKWIITU MAPURO OOTTAIVELA OPOOMA. NUUMALA-VO, MPAKE MAKOHO ANITTHARELANA:
Mwa inamuna xeeni axitokweene a esirkwiitu vamosa ni axaaraya, anooniherya aya niphento mmulokoni?
Muttottenle sai mureerelo okathi mwaaxukuriwa anyu ni mutokweene a esirkwiitu?
Ninrowa waalipiha sai anna awo?