Nyuwo Munoowerya Okhaliherya Emusi Anyu Okhala Yoohakalala

Yehova oniphavela wiira imusi sikhaleke soohakalala. (Esa 127:3-5; Mu 9:9; 11:9) Masi mwaha wa mixankiho sa olumwenku ola ni okhala wiira na atthu oottheka, pooti ohihakalalaka. Etthu xeeni khula mmosa a vatthokoni okhanle awe oopaka, wiira okhaliherye emusi awe okhala yoohakalala?

Mulopwana oothela, ohaana waattittimihaka amwaarawe. (1 Pe 3:7) Owo onoopaka eyo ovirihaka okathi ori ene ni amwaarawe. Nave ohaana waattottopelaka ni waaxukhurela amwaarawe, mwaha wa itthu sootheene anipaka aya wiira ekhaliherye emusi. Masi ohaakhanyereryeke opaka itthu ovikana iye aniwerya aya. (aKo 3:15) Nave owo onnooniherya wiira onnaaphenta ni moolumo vamosa ni miteko. — Mir 31:28, 31.

Muthiyana ootheliwa ohaana waakhaliheryaka aiyawe. (Mir 31:12) Owo onnooniherya eyo, okathi onimwiiwelela awe iyawe ni omukhaliherya. (aKo 3:18) Nave owo onnilavula ni iyawe moomureerela murima ni onnimulavula saana. — Mir 31:26.

Anamuyari ahaana ovirihaka okathi ari ene ni anaaya. (Otu 6:6, 7) Awo annaleela anaaya wiira annaaphenta. (Mat 3:17) Okathi anaattaruxa aya, annipaka eyo mwa niphento ni mooreerela murima. — aEef 6:4.

Anamwane, ahaana owiiwelelaka ni waattittimihaka anamuyari aya. (Mir 23:22) Awo ahaana waaleelaka anamuyari aya itthu anuupuwela aya ni sinaaxankiha. Nave anamwane anneemererya okathi anittaruxiwa aya ni anamuyari aya ni annooniherya wiira annaattittimiha. — Mir 19:20.

NWEHE EVIIDIYU ENI: MUTTEELIWEKE MURIMA VATTHOKONI VANYU. NUUMALA-VO, MWAAKHULE NIKOHO NINTTHARELANA:

• Etthu xeeni khula mmosa a vatthokoni opanke awe, wiira okhaliherye emusi ele okhala yoohakalala?