MAKHALELO A MAKRISTAU
Axitokweene Annivara Muteko Wiira Yaakhaliherye Arumeyi a Yehova
Atthu anceene khanaathokorerya saana ale arina okhulupale. Exeeni eniiriha ohithokoreriwaka saana ale arina okhulupale? Okhala wiira atthu anceene annirumeela okhulupale aya wiira yiiphwanyihe mureerelo aya paahi. (Mik 7:3) Ninnixukhurela vanceene okhalana axitokweene mmulokoni, yaawo yiixuttihiwe orumeela okhulupale aya wiira yaakhaliheryeke arumeyi a Yehova. — Esa 10:3; Mit 20:25, 26.
Moovirikana ni makhulupale a olumwenku ola, axitokweene annivara muteko mwaha woophenta Yehova ni arumeyi awe. (Yoh 21:16; 1 Pe 5:1-3) Attharaka malakiheryo a Yesu, axitokweene awo annimukhaliherya khula namalaleerya wiira ooneke wiira oniirela mpantta emusi ya Yehova ni omwaattamela yena. Okathi enikhumelela aya eretta mootutuxerya aahiiso ehasara, moowakuveya awo annilipiha ipwittipwitthi sa Yehova ni annikhaliherya. Akhala wiira muniphavela okhaliheriwa, munoonela sai ovaanela ni mutokweene a muloko anyu? — Yak 5:13.
NWEHE EVIIDIYU ENI: AMAKAMPUSI ANNIKHAPELELA NIKOTO. NUUMALA-VO MWAAAKHULE MAKOHO ANITTHARELANA:
Axitokweene yaamukhalihenrye sai Mariana?
Axitokweene yaamukhalihenrye sai Elias?
Nuumala oweha eviidiyu ela, nyuwo munoonela sai muteko anivara aya axitokweene?