Nyuwo Munoowerya Olaleerya ni Wiixuttiha!

Wanipacerya, Moise uupuwela wira khaarowa owerya ovara muteko aarummwale awe ni Yehova. (Okh 4:10, 13) Eyo yootoko owiiraneelani? Niireke munnimusoma Biibiliya ni Anamoona a Yehova? Niireke munnuupuwela wira khamunrowa oweryaka olaleerya empa ni empa? Aahiiso munnoova muupuwelaka olaleerya oxikola. Woonasa wene munnoova olaleerya hata ni telefoni aahiiso mapuro oowaatta atthu? Akhala wira munoona siiso, munvekele Yehova munepa awe wootteela wira ookhaliheryeni. (1 Pe 4:11) Mukupaliki wira owo onoowerya wookhaliheryani wira nwerye opaka khula etthu enoovekelaaweni.—Okh 4:11, 12.

NWEHE EVIIDIYU ENI: MULIPIHE MURIMA . . . NYUWO ANAMALALEERYA, NUUMALA-VO MWAAKHULEKE MAKOHO ALA ANITTHARELANA:

• Muxankiho xeeni aarina awe murokora Haruka voohimya sa muteko woolaleerya?

• Exeeni yaamukhalihenrye murokora Haruka ophwanya ikuru ni okhala oolipa murima?—Yer 20:7-9

• Mureerelo xeeni aaphwannye awe mwaha woohihiyererya omurumeela Yehova?

• Mixankiho xeeni Yehova onrowa awe wookhaliheryani oxintta okathi woolaleerya?