Watchtower EBIBLIOTEKA ONLAINE
Watchtower
EBIBLIOTEKA ONLAINE
Emakhuwa
  • BIIBILIYA
  • ILIIVURU
  • MITHUKUMANO
  • mwb22 Janero epaax. 11
  • Amiravo—Mwaatthukuleleke Murima Anamuyari Anyu

Mpantta ola khekhanle eviidiyu.

Muniswaamihe, khivaniweryaneya orumiha eviidiyu ela.

  • Amiravo—Mwaatthukuleleke Murima Anamuyari Anyu
  • Okumi ni Orummwa Ahu wa eKristau—Ekaderno Enirumeeliwa Omuthukumanoni—2022
  • Mwaha Onlikana Nuula
  • “Mwaattittimihe Atithinyu ni Ameyanyu”
    Okumi ni Orummwa Ahu wa eKristau—Ekaderno Enirumeeliwa Omuthukumanoni—2018
  • Nyuwo Munoowerya Okhaliherya Emusi Anyu Okhala Yoohakalala
    Okumi ni Orummwa Ahu wa eKristau—Ekaderno Enirumeeliwa Omuthukumanoni—2023
  • Nyuwo Anamuyari, Munrowa Waakhaliherya Sai Aniinyu Omphenta Yehova?
    Owehaweha Elaleyaka Omwene wa Yehova (Yoosoma)—2022
  • Moota Wookhalana Etthoko Yoohakalala—Mpantta 2
    Okumi Woohimala!​—Kursu a Biibiliya
Nwehe Sikina
Okumi ni Orummwa Ahu wa eKristau—Ekaderno Enirumeeliwa Omuthukumanoni—2022
mwb22 Janero epaax. 11

MAKHALELO A MAKRISTAU

Amiravo—Mwaatthukuleleke Murima Anamuyari Anyu

Xeeni vanreerela aya ovaanelaka mootaphuwa ni anamuyari anyu? (Mir 23:26) Yehova ohaathanla anamuyari anyu awo, wira yookhapelelekeni ni yoolakiheryekeni. (Esa 127:3, 4) Vanimwaavila anamuyari anyu wookhaliheryani vakhala wira khamunaaleela itthu sinooxankihani. Nave, pooti wira okathi yaari aya amiravo, saahaaphwanya mixankiho iyo. Nto munoowerya wiixutta etthu ni mixankiho saakhumelenle. Niireke ti vootthekeya ohaaleela itthu sootheene munuupuwela anyu? Nnaari. Masi, muhaana waahimeeryaka itthu sootheene anireerela aya osuwela.—Mir 3:32.

Munrowa owerya sai ovaanela ni anamuyari anyu? Muthanleke ewoora munoona anyu oreerela, ni munoona anyu wira anamuyari anyu anookhalana okathi. Masi vakhala wira vannooxankihani ovaanela naawo, nyuwo pooti waalepela ekarta mwaaleelaka itthu munuupuwela anyu. Ankhi vakhala wira amphavela olavula ni nyuwo mwaha ohinoosivelani? Muhiliyale wira anamuyari anyu, apatthani anyu ni aniphavela wookhaliheryani. Wiimananiha onipaka anyu wira nvaaneleke ni anamuyari anyu onimookhaliheryani vano ni okumi anyu wootheene. Nave-tho muhoolo munoophwanya okumi woohimala!—Mir 4:10-12.

NWEHE EVIIDIYU ENI: MAHIKU A OMIRAVO AKA—KINROWA OWERYA SAI OVAANELA NI ANAMUYARI AKA? NUUMALA-VO MWAAKHULE MAKOHO ALA ANITTHARELANA:

  • Ifootu sa eviidiyu eni: “Mahiku A Omiravo Aka—Kinrowa Owerya Sai Ovaanela ni Anamuyari Aka?” Mwali owanreene ifooni ni omurumeelaka komputatore khonaacala amaama awe vaavo anilavula aya ni yena.

    Etthu xeeni yoohiloka Esther ni Partik yoonale aya wira yaahaana oturuka?

  • Ifootu sa eviidiyu eni: “Mahiku A Omiravo Aka—Kinrowa Owerya Sai Ovaanela ni Anamuyari Aka?” Mwaaruusi olavulaka ni amaama awe, nave owooniheryaka etthu mutelefonini.

    Ntakiheryo na Yesu ninwiixuttihani exeeni?

  • Ifootu sa eviidiyu eni: “Mahiku A Omiravo Aka—Kinrowa Owerya Sai Ovaanela ni Anamuyari Aka?” Maama onnihiya miteko sawe sa vate wira othweele ni mwaana awe.

    Moota xeeni anamuyari anyu, anooniherya aya wira annoothokoreryani?

  • Ifootu sa eviidiyu eni: “Mahiku A Omiravo Aka—Kinrowa Owerya Sai Ovaanela ni Anamuyari Aka?” Treinatore a Basquete ovahaka malakiheryo ekipa awe.

    Anamuyari anyu aniphavela wira mukhalane okumi wooloka

    Soolepa xeeni sa mBiibiliyani, sinrowa wookhaliheryani ovaanela ni anamuyari anyu?

    Watchtower EBIBILIOTEKA ONLAINE (1982-2025)
    Okhuma
    Okela
    • Emakhuwa
    • Ovaha
    • Siniphavela Anyu
    • Copyright © 2025 Watch Tower Bible and Tract Society of Pennsylvania
    • Malamulo Oorumeela
    • Mwaha Woosuka Isiiri
    • Privacy Settings
    • JW.ORG
    • Okela
    Ovaha