Geeshsha Maxaafay Woygii?

Nuuni deꞌiyoy ‘wurssetta gallassaanee’?

Ne qofay aybee?

• Ee

• CHii

• Gidana danddayees

Geeshsha Maxaafay yootiyoobaa

“Wurssetta gallassi waissiya wodee yaanaagaa akeeka.” (2 Ximootiyoosa 3:1) Geeshsha Maxaafaa hiraagaynne ha wodiyan haniyaabay nuuni ‘wurssetta gallassan’ deꞌiyoogaa bessees.

Geeshsha Maxaafaappe harabaa ay akeekiyoo?

• Wurssetta gallassaa malaatay olaa, koshaa, biittaa qaattaanne wurssiya harggiyaa gidiyoogee odettiis.—Maatiyoosa 24:3, 7; Luqaasa 21:11.

• Wurssetta gallassi asay kandduwaabaaninne ayyaanaaban keehi moorettana. —2 Ximootiyoosa 3:2-5.

Sinttappe aybi hananee?

Issi issi asay qoppiyoobaa Wurssetta gallassay ha saꞌaynne an deꞌiya ubbay xayiyoogan kuuyettana giidi qoppiya asay deꞌees; qassi hanotay giigana giidi qoppiya asaykka deꞌees. Ne qofay shin aybee?

Geeshsha Maxaafay yootiyoobaa

“Xilloti biittaa laattananne yan merinau de7ana.”—Mazamure 37:29.

Geeshsha Maxaafaappe harabaa ay akeekiyoo?

• Wurssetta gallassay iitatetta ubbay xayin kuuyettana.—1 Yohaannisa 2:17.

• Saꞌay gannate gidana. —Isiyaasa 35:1, 6.