Geeshsha Maxaafaa Qofaa Giya Brooshuriyaa Goꞌettiyo Issi Ogiyaa

Nu moottan deꞌiya daroti, ubba qassi Kiristtaane giyo haymaanootiyaa kaallennaageeti Geeshsha Maxaafaabaa erokkona. Hegaa mala asata Geeshsha Maxaafay Tamaarissiyoy giya maxaafaa xannaꞌissiyo wode, issi issi aassiyaageeti bantta tamaareti Geeshsha Maxaafaabaa eranaadan maaddanau Geeshsha Maxaafaa Qofaa giya brooshuriyaakka goꞌettoosona. Leemisuwau, issi ishay Geeshsha Maxaafay Tamaarissiyoy giya maxaafaa shemppo 3 xannaꞌissiyo wode, he brooshuriyan shaaho 1n deꞌiyaabaa issippe tobboosona. Hegaappe simmin, xannaꞌido paydo ubban hara shaahuwaa tobboosona. Neeni xannaꞌissiyo uri Geeshsha Maxaafaabaa guuttabaa eriya woy aynne erenna uree? I “atotettai beettiyo aadhdhida eratettaa immanau danddayiya geeshsha maxaafata” eranaadan maaddanau, Geeshsha Maxaafay Tamaarissiyoy giya maxaafaa xannaꞌissiyo wode an deꞌiya qofaa loytti akeekanaadan Geeshsha Maxaafaa Qofaa giya brooshuriyaakka tobbiite.—2 Xim. 3:15.