Zalꞌꞌe Heeran Xalan Markkatta
1. Nuuni zalꞌꞌe heeran markkattanau yayyiyaaba gidikko, hidootaa qanxxana koshshennay aybissee?
1 Zalꞌꞌe heeran markkattanau yayyay? Yayyiyaaba gidikko, hidootaa qanxxoppa; aybissi giikko, xalanne yayyenna PHauloosikka sabbakanau ‘minnana’ koshshiis. (1 Tas. 2:2) Zalꞌꞌe heeran markkattiyoogaara gayttidaagan darotoo meeze gididabatanne hegaa waatidi xooni kiyana danddayiyaakko hagaappe kaallidi goꞌꞌiya qofaa beꞌana.
2. Zalꞌꞌanchata yiilloyaneeshsha giidi hirggana koshshennay aybissee?
2 Zalꞌꞌanchati Nuuni Haasayissiyo Gishshau Yiillotanee? Zalꞌꞌanchatu oosoy darotoo asaara gattiyaaba gidiyo gishshau, eti hara asay haasayissiyo wode ixxokkona. Eti nena bantta dambbanya giidi qoppana danddayiyo gishshau, darotoo pashkki giidi haasayissoosona. Bonchissiya hanotan maayiyoogeenne keha qaalan haasayissiyoogee eti nena bonchanaadan oottana danddayees.
3. SHammiya asay yiillotennaadan ay oottana danddayiyoo?
3 SHammanau Yiida Daro Asaa Sinttan Haasayissana Koshshii? Danddayettikko, zalꞌꞌe keettaa biron dooyiyo wodiyaa mala, asay keehin darenna wodiyaa doora. Zalꞌꞌanchay barkka deꞌiyo wodiyaa naagada haasayissa. Yootiyoobaa qanttan yoota.
4. Nuuni zalꞌꞌe heeran haggaaziyo wode asaa woygidi haasayissana danddayiyoo?
4 Woygada Haasayissana Koshshii? Zalꞌꞌanchati daro gidikko, eta alaafiyaa haasayissa. Hagaadan gaana danddayaasa: “Zalꞌꞌanchata son demmana danddayenna gishshau, intte zalꞌꞌiyo sohuwaa yiida. Intte oottiiddi deꞌiyo gishshau, yohuwaa qanttan yootana.” Eti nuna zalꞌꞌanchadan qoppana danddayiyo gishshau, nu oosuwau miishshaa awuppe demmiyaakko eti oychana xayikko, miishshaa immiyo giigissuwaabaa yootennaagee loꞌꞌo. Zalꞌꞌiyaa hanotaadan, yohuwaa qanttan zalꞌꞌanchatuyyo yootana danddayiyaakkonne alaafiyaa oycha. Alaafiyau yootidoogaa etaukka yoota. Zalꞌꞌanchau oosoy daridaba gidikko, qanttan yootada trakttiyaa imma. Zalꞌꞌanchata haasayissana danddayettennaba gidikko, xuufiyaa asay shemppiyo sohuwan wottanau oychana danddayaasa.
5. Zalꞌꞌe heeran xalan markkattanaadan oottiya ayba gaasoti deꞌiyoonaa?
5 Yesuusinne PHauloosi asay oottiyo woy zalꞌꞌiyo heeran xalan sabbakidosona; neenikka hegaadan oottana danddayaasa. (Maa. 4:18-21, 9:9; Oos. 17:17) Wozanay woppu gaanaadaaninne xalanaadan maaddana mala Yihoowakko woossa. (Oos. 4:29) Zalꞌꞌe heeran son demmana danddayenna asatuura gayttana danddayiyo gishshau, loꞌꞌo ayfiyaa demmanaadan oottiya ha haggaazuwaa mala beꞌana danddayaasa.