Tisaase 24n Doommiya Saaminttaa Prograamiyaa

TISAASE 24N DOOMMIYA SAAMINTTAA

Mazamure 5⁠nne Woosaa

□ Gubaaꞌiyaa Geeshsha Maxaafaa Xinaatiyaa:

ol shaaho 7 ¶9-17 (30 daq.)

□ Tiꞌokiraase Haggaazo Timirtte Keettaa:

Geeshsha Maxaafaa nibaabee: Zakkaariyaasa 9-14 (10 daq.)

Paydo 1: Zakkaariyaasa 11:1-13 (4 daq. woy sima)

Paydo 2: Xoossay Siyana Koyiyo Woosay Oogee?—rs sinttaa 292 ¶1–sinttaa 293 ¶1 (5 daq.)

Paydo 3: Leemiso 15:1 Oosuwan Peeshshana Koshshiyoy Awudee? (5 daq.)

□ Haggaazo SHiiquwaa:

Mazamure 28

30 daq: Nu Weyb Sayttiyaa Loytti Goꞌettiyo Ogiyaa. Sinttaa 3-6 tobbiyoogaa. Sinttaa 4n deꞌiyaagaa tobbiyo wode, So Asaa Goynuwaa omarssaa kuuyi simmiya keettaa asay heezzu daqiiqa ootti-besuwaa shiishshona. Kaalliya saaminttan ay tobbanaakko aaway oychiyo wode, naati Weyb sayttiyan “Teenagers” giyaagaa tobbiyaakko loꞌꞌo gidiyoogaa yootoosona. Ezggiyaageeti buzo xinaatiyau woy so asaa xinaatiyau jw.org sayttiyaa waati goꞌettiyaakko woy ayba ogiyan goꞌettanau qoppidaakko yootanaadan oycha. Sinttaa 5n deꞌiyaagaa tobbiyo wode, danddayettiyaaba gidikko, issi ishay haggaazuwan haasayissiyo asi oychido oyshau moobayle malaban nu sayttiyaa goꞌettidi ba ammanuwaabaa qonccissiyoogaa bessiya heezzu daqiiqa ootti-besuwaa shiishshana danddayees. Sinttaa 6n deꞌiyaagaa tobbiyo wode, issi ishay hara qaalan nabbabana koyiya uraara haasayiyoogaa bessiya oyddu daqiiqa ootti-besuwaa shiishsho. Ishay moobayle malabaa woy he izaawu komppiyuteriyaa goꞌettidi a qaalan giigida Tumaa Eranau giya trakttiyaa woy Geeshsha Maxaafay Tamaarissiyoy giya maxaafaa kessidi aara tobbees. Ezggiyaageeti jw.org sayttiyaa haggaazuwan waati goꞌettiyaakko oycha.

Mazamure 10⁠nne Woosaa