Nu Weyb Sayttiyaa—Buzonne So Asaa Xinaatiyau Goꞌettite
Ooratta Maxeetiyaa Nabbabite: Wochiyo Keelaynne Beegottite! maxeetee gubaaꞌiyaa gakkanaappe amarida saaminttaa kasetidi Intternneetiyan nabbabite. Qassi cenggurssan giigida maxeetiyaakka an siyite.—“Xuufeta” giyaagaa giddon “Maxeeteta” giyaagaa xeellite.
Weyb Saytte Xallan Kiyiyaabaa Nabbabite: Amarida huuphe yohoti, leemisuwau, “Yelaga Naatussi,” “Taani Geeshsha Maxaafaa Tamaariyoobaa,” “So Asay Tobbiyoobaa” qassi “Yelagatu Oyshaa” giyaageeti haꞌꞌi Weyb saytte xallan kiyoosona. Buzonne so asaa xinaatiyaa wode, ha huuphe yohotuppe amaridaagaa Intternneetiyan nabbabana danddayeeta.—“Bible Teachings” giyaagaa giddon “Children” woy “Teenagers” giyaagaa xeellite.
Ooratta Oduwaa Siyite: Minttettiya irpporttiyaanne temokruwaa nabbabite; qassi alame yuushuwan aakkiiddi deꞌiya nu oosuwaa bessiya biiduwaa beꞌite. Daafabaynne yedetay gakkiyo biittatubaa qonccissiya irpporttee nuuni qohettida nu ishatussi woossanaadan maaddees. (Yaaq. 5:16)—“News” giyaagaa xeellite.
Intternneetiyaa Laybreeriyaa Goꞌettite: Intte qaalan deꞌiyaaba gidikko, komppiyuteriyaa woy moobayle malabaa goꞌettidi Intternneetiyan gallassa xiqisiyaa woy harabaa xannaꞌana danddayeeta.—“Xuufeta” giyaagaa giddon “Laybreeriyaa” giyaagaa xeellite; woy sayttiyaa adrashaa xaafiyo sohuwan www.wol.jw.org giidi koyite.
[Sinttaa 4n Deꞌiya Misiliyaa]
(Aaho qofau attamettidaagaa xeella)
Goꞌettanau Malite
1 Misiliyaa woy “Duuqqanabaa” giyaagaa dooyite. Misilee PDF payliyan kiyees. Hegaa attamidi intte naata tamaarissanau goꞌettite.
2 Biiduwaa beꞌanau “Play” giyaagaa dooyite.