Nu Weyb Sayttiyaa—Haggaazuwan Goꞌettite

Asay Weyb Sayttiyaa Goꞌettanaadan Minttettite: Nunaara haasayanau woy xuufiyaa ekkanau yayyiya issoti issoti son banttarkka jw.org goꞌettidi Yihoowa Markkatubaa eranau koyoosona. Hegaa gishshau, injjetiyo wode ubban haratuyyo nu Weyb sayttiyaabaa yootite.

Oyshaa Zaarite: Issi issitoo keettaaway, eranau koyiya uri woy nubaa eriya asi Yihoowa Markkatubaa woy nu ammanuwaabaa oychana danddayees. He wode, moobayle malabaa woy komppiyuteriyaa goꞌettidi sohuwaara zaaruwaa bessite. Darotoo hegan deꞌiya xiqisiyaa Geeshsha Maxaafaappe nabbabiyoogee loꞌꞌo. Intte moobaylee Intternneetiyaa goꞌettiyooba gidana xayikko, keettaaway jw.org goꞌettidi ba oyshau zaaruwaa demmiyo ogiyaa yootite.—“Bible Teachings” giyaagaa garssan “Bible Questions Answered” giyaagaa woy “About Us” giyaagaa garssan “Frequently Asked Questions” giyaagaa xeellite.

Issi Huuphe Yohuwaa woy Issi Xuufiyaa Eriyo Urau Kiittite: Issi PDF woy EPUB iimeyliyan kiittanau giigissite. Woy cenggurssan giigida xuufiyaa siidiyan duuqqite. Yaatidi, xammaqettibeenna urau kumetta maxaafaa, brooshuriyaa woy maxeetiyaa kiittite; hegaa asau immido xuufedan irpportte oottana danddayeeta. Intte oonatettaa erissennan woy darobaa coo kiittana koshshenna. Hara Intternneete Weyb sayttiyankka wottana koshshenna.—“Xuufeta” giyaagaa xeellite.

Yihoowa Markkatubaa Ooratta Oduwaa Bessite: Hagee, xinaatetinne intte haasayissiyo ooratta asati alame yuushuwan oosettiya nu oosuwaabaanne tumu Kiristtaanetu issippetettaabaa loytti eranaadan maaddees. (Maz. 133:1)—“News” giyaagaa xeellite.

[Sinttaa 5n Deꞌiya Misiliyaa]

(Aaho qofau attamettidaagaa xeella)

Goꞌettanau Malite

1 “Xuufeta” giyaagaa giddon intte duuqqana qoppiyoobaa koyidi, intte koyiyo xuufiyaa woy cenggurssan giigidabaa bessiya malaataa kilike oottite.

2 A giddon deꞌiya huuphe yohota beꞌanau MP3 giyaagaa kilike oottite. Intte duuqqanau woy siyanau kiyiyo huuphe yohuwaa kilike oottite.

3 Hara qaalan giigida xuufiyaa duuqqanau koyiyaaba gidikko, he qaalaa doorite.