Kiristtoosa Hayquwaa Hassayiyo Baalaa Zamachay Laappune 22n Doommees
Ha laytti Kiristtoosa Hayquwaa Hassayiyo Baalau nuuni harata shoobbiyoogaa doommiyoy Qeeraa, Laappune 22na. Kumetta wozanappe oottanaadan nuussi ubbaassikka zoree imettiis. Qeeraanne Woggaa gallassatun danddayettiyo wode ooratta maxeetetakka asau immana. Hosppuniyan koyro Qeera gallassi Geeshsha Maxaafaa xinaatiyaa doomissiyoogaappe shoobiyaa woraqataa asau immiyoogaa kaseyana. SHin, eranau keehi koyiya ura demmikko, Geeshsha Maxaafaa xinaatiyaa doomissana danddayoos. Haggaazuwaa xomoosiya ishay moottan deꞌiya daro asaa shoobbanau shoobiyaa woraqataa dabaaban markkattiyo wode immiyoogee loꞌꞌokkonne kuuyana danddayees. Intte dabbotu, inttenaara oottiyaageetu, inttenaara tamaariyaageetu, zaarettidi oychiyoogeetunne intte shoobbanau koyiyo eriyo haratu sunttaa haꞌꞌi xaafi oyqqidi, zamachay doommiyo wode shoobiyaa woraqataa etau immite. Yihoowaynne Yesuusi nuna siiqido gita siiquwaa hassayanau nunaara hara daroti shiiqana giidi hidootoos.—Yoh. 3:16; 15:13.