Gibxxe Aylletettaappe Kiyoosappe Biidi Israaꞌeele Koyro Kawuwaa Gakkanaashin

Muusee Israaꞌeeleta Gibxxe aylletettaappe kessidi, Xoossay etau ba higgiyaa immidosaa, Siina Deriyaa gakkanaashin kaalettiis. Hegaappe guyyiyan, Muusee Kanaane biittaa xomoosanaadan, 12⁠u asata kiittiis. SHin etappe 10⁠ti iita woriyaa ekkidi yiidosona. Eti asay Gibxxe guyye simmanau koyanaadan oottidosona. Eti ammanuwaa xayido gishshau, Xoossay Israaꞌeeleta 40⁠u layttaa bazzuwan toylattanaadan oottidi qaxxayiis.

Wurssettan, Israaꞌeeleta kaalettidi Kanaane biitti efaanaadan Yaasu doorettiis. Eti biittaa laattanaadan maaddanau, Yihooway maalaalissiyaabaa oottiis. I Yorddaanoosa SHaafay goggiyoogaa agganaadan, Yarkko dirssaa gimbbee kunddanaadaaninne awa ayfee qammikka wullennan takkanaadan oottiis. Usuppun layttappe guyyiyan, Kanaanetu biittaa ekkidosona.

Yaasun doommidi, Israaꞌeeleti 356n layttaa dannatun haarettidosona. Baaraaqa, Geedoona, Yofttaaha, Samssoonanne Sameela gujjidi etappe darotubaa tamaarana. Raꞌaabo, Debooro, Yaaꞌeelo, Uruto, Naaꞌoomonne Daliilo misatiya maccaasatubaakka nabbabana. SHaahuwaa HEEZZAY muleera 396n laytta taarikiyaa oyqqiis.