Merinawu Ufayttada Deꞌa! Giyo Xuufiya Goꞌettidi Waati Xannaꞌissana Danddayiyoo?

Xannaꞌissanaappe kase

1. 

   1. Loytta giigetta. Yaatiyo wode, ne xinaatiyawu koshshiyabaa, A hanotaanne I ammaniyobaa qoppa. I akeekanawu woy oosuwan peeshshanawu metootana danddayiyobata qoppa. “Pilgga” giyagee ne xinaatiya waati maaddana danddayiyakko qoppa, qassi koshshiyaba gidikko xannaꞌissiyo wode hegeeta goꞌettanawu giigetta.

Xannaꞌissiyo wode

1. 2. Ne xinaatee maayettikko, xinaatiya doomettaaninne wurssettan woossa.

2. 

   3. Darobaa haasayennaadan naagetta. Xannaꞌissiyo xuufiyan deꞌiyabaa goꞌetta, qassi xinaatee ba qofaa qonccissanaadan ootta.

3. 4. He maxaafan deꞌiya issi shaahuwa doommiyo wode, he shaahuwan deꞌiya waanna qofaa nabbaba, qassi timirttetun deꞌiya huuphe yohotuppe amaridaageeta qonccissa.

4. 5. Issi shaahuwa wurssiyo wode, ne xinaatee tamaaridobaa hassayanaadan maaddanawu, he shaahuwawu giigida zaaretuwa goꞌetta.

5. 6. Timirtteta xannaꞌissiyo wode ubban:

   1. Menttuwa nabbabite.

   2. “Nabbaba” giya xiqiseta ubbaa nabbabite.

   3. Koshshikko, he timirttiyan deꞌiya hara xiqisetakka nabbabite.

   4. 

      “Beꞌite” geetettida biido ubbaa (neeni demmana danddayikko) beꞌite.

   5. Ubba oyshatakka ne xinaatiya oychcha.

   6. Ne xinaatee, “Loytta Akeeka” giyagan deꞌiya misiliya beꞌanaadan yoota, qassi I ba qofaa yootanaadan oychcha.

   7. Ne xinaatee laamettanaadan maaddanawu, “Halchchanabaa” giya saaxiniya goꞌetta. I he sohuwan odettidaagaa malabaa, hara dummatiyabaa woy ha naaꞌꞌubatakka halchchanaadan minttettana danddayaasa.

   8. He timirttiyan, “Pilgga” giyagaa giddon deꞌiya huuphe yohotuppe woy biidotuppe ne xinaatee giigettiiddi demmido A keehi ufayssidabaa yootanaadan oychcha.

   9. Xannaꞌiyo wode ubban issi timirttiya wurssanawu baaxeta.

Xinaatiyappe simmin

1. 

   7. Ne xinaatiyabaa qoppiyogaa aggoppa. Ne xinaatee ayyaanaaban minnanawu oottiyobaa anjjanaadan, qassi neeni A waata maaddanaakko eranawu neeyyo aadhdhida eratettaa immanaadan Yihoowa woossa.