Zokko Baggan Deꞌiyaagaa Goꞌettettii?

Asay maxeetiyaa ekkidi, darotoo sintta baggaa, hegaappe qassi zokko baggaa xeellees. Asau immiyo Wochiyo Keelaa maxeetiyaa zokko baggan, asay issibaa eranaadan denttettiya amarida oyshay, issi issi qofaynne he qofay maxeetiyan deꞌiyo sinttaykka deꞌees.

Asaara loꞌꞌo hanotan haasayaa doommanau hegaa goꞌettana danddayoos. Haggaazo moottaa nuuni zaaretti zaarettidi oottiyaaba gidikko, agina giddon dumma dumma huuphe yohuwaa denttidi asaara haasayana danddayoos. Haasayissiyo uri ooso bolli deꞌiyaaba gidikko, zokko baggan deꞌiya oyshatuppe issuwaa bessidi haasayaa qanttiyoogan: “Ha oyshaa zaaruwaa eranau koyikko, ha maxeeteta inttessi immana danddayays; intte wode demmikko haroode gujjidi haasayana” gaana danddayoos. Aassiya issoti issoti asaara haasayiyoogaa doommanaassi maxeetiyau zokko baggaa bessidi, haasayissiyo uri eranau koyiyo issi oyshaa dooranaadan shoobbana danddayoosona. Hegaappe simmidi, oyshaa zaaruwaa bessanaunne kasetidi doorido xiqisiyaa nabbabanau danddayoosona. Wochiyo Keelaa zokko baggan deꞌiyaagaa goꞌettidi, hara ogiyan asaa koshshaa denttettanau qoppana danddayeeta.