Haggaazuwan Kaseegaappe Qara Gidiyoogaa —Hara Qaalaa Haasayiya Urawu Markkattiyoogaa

Hegee Keehi Koshshiyoy Aybissee? “Dere ubban” deꞌiya asaa ayyaanaabaa hanotay Yihoowa qofissees. (Oos. 10:34, 35) Hegaa gishshawu, mishiraachoy “sa7a ubban,” qassi “asa ubbau” odettanaagaa Yesuusi yootiis. (Maa. 24:14) “Dumma dumma qaalan haasayiya kawotettatu” ubban deꞌiya asay hegaa siyanaagaa Zakkaariyaasi hiraagan odiis. (Zak. 8:23) Kiitettida Yohaannisi beꞌido ajjuutay qonccissiyoogaadan, daro waayiyaappe attanaageeti “zare ubbaappe, qommo ubbaappe, yara ubbaappenne dumma dumma biitta qaala ubbaappe” yiidaageeta. (Ajj. 7:9, 13, 14) Qommoora beꞌidoogaadan, nu moottan hara qaalaa haasayiya uraara gayttiyo wode, mishiraachuwaa yootana koshshees.