Haggaazuwan Kaseegaappe Qara Gidiyoogaa Nu Haggaazo Moottan Deꞌiya Ubba Asaa Haasayissiyoogaa

HEGEE KEEHI KOSHSHIYOY AYBISSEE? Dumma dumma qaalaa haasayiya kawotettatu ubban deꞌiya asay mishiraachuwaa siyanaagaa Zakkaariyaasi kasetidi yootiis. (Zak 8:23) SHin eta tamaarissanay oonee? (Roo 10:13-15) Nu haggaazo moottan deꞌiya asa ubbawu mishiraachuwaa yootiyo maataynne aawatettay nuussi imettiis.—od-AM 84 ¶10-11.

WAATANA DANDDAYIYOO?

• Giigettite. Hara qaalaa haasayiya asaara gaytti ereetii? Haasayissanawu maaddiya qantta qofaa eranawu JW Language appilikeeshiniyaa goꞌettana danddayeeta. Intte moobayle malabaa goꞌettidi, izaawu gujjidi eranawu ba qaalan jw.org saytiyan issi issibaa waati koyanaakko bessite

• Akeekancha gidite. Sooppe soo biidi haggaaziyo wode intte mataara aadhiya asawu woy eqqida kaame giddon uttida asawu markkattana danddayiiddi aggoppite. Dabaaban markkattiyo wode intte halchoy asawu sabbakiyoogaa gidiyoogaa dogoppite

• Minni oottite. Intte koyro biidi son demmibeenna asata demmanawu baaxetiyoogaa aggoppite. Ubba keettan deꞌiya asaa demmanawu, he galla hara saatiyan woy saaminttaa giddon hara galla etaara gayttanawu baaxetite. Issoti issoti dabddaabbiyan, silkkiyan woy ogiyan gayttana danddayoosona

• Zaaretti oychite. Eranawu koyiya asaa zaaretti oychanawu sohuwaara biite. Izaawu hara qaalaa haasayiyaagaa gidikko, he qaalaa eriya, ayyaanaaban gooba uri a maaddanaadan oottite. Izaaway he qaalaa eriya aassiya uraara gayttanaashin aara gayttiyoogaa aggoppite.—od-AM 94 ¶39-40

‘SAꞌAA GAXAA GAKKANAASHIN’ SABBAKIYOOGAA GIYO BIIDUWAA BEꞌIDI, KAALLIDI DEꞌIYA OYSHATA TOBBITE:

• 

  Haahosan deꞌiya asaa demmanawu ishanttinne michontti waani giigettidonaa? (1Qor 9:22, 23)

• 

  Eti xoonana koshshida metoy aybee?

• 

  Eti demmido anjjoy aybee?

• Intte haggaazo moottan deꞌiya daro asaa haasayissanawu ay oottana danddayeetii?