Keehi Maaddiya Ogiyan Xannaꞌa

HEGEE KEEHI KOSHSHIYOY AYBISSEE? Xoossaa Qaalaa xannaꞌiyoogee tumay “ai keena aahokko, adussakko, xoqqakkonne ciimmakko” akeekanaadan nuna maaddees. (Efi 3:18) Hegee iita alamiyan boreenne bali baynnan deꞌanaadaaninne “de7uwaa wonggeliyaa mishiraachchuwaa” mintti oyqqanaadankka nuna maaddees. (Pili 2:15, 16) Xoossaa Qaalaa xannaꞌiyoogee nuuni nuussi huuphiyan huuphiyan koshshiyaabaa dooranaadan nuna maaddees. Danddayettida ubban Geeshsha Maxaafaa nabbabiyoogaappenne xannaꞌiyoogaappe goꞌettanawu nuuni waatana danddayiyoo?

WAATANA DANDDAYIYOO?

• Neeni xannaꞌanawu goꞌettiyo Geeshsha Maxaafay woraqataana woy elektiroonike miishshaana gidin aggin, xiqiseta malaatanne masttoosha xaafa

• Neeni Xoossaa Qaalaa nabbabiyo wode ha oyshata nena oychcha: ‘Oonee? Aybee? Awudee? Awan? Ayssi? Waanidi?’

• Tumubaa era. Pilgganawu maaddiya miishshata goꞌettada huuphe yohuwan woy Geeshsha Maxaafa xiqisiyan koya

• Neeni nabbabidobaa waata oosuwan peeshshanaakko akeekanawu he qofaa wotta dentta qoppa

• Neeni eridobaa ne deꞌuwan galla galla oosuwan peeshsha.—Luq 6:47, 48

LOYTTI XANNAꞌIYOOGAN—TUMAA ‘MINTTI OYQQIYOOGAA’, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Xannaꞌiyoogaa xeelliyaagan issoti issoti woygidonaa?

• Xannaꞌiyoogaa doommanaappe kasetidi ubbatoo woossana koshshiyoy aybissee?

• Geeshsha Maxaafan deꞌiya issi qofaa loytti akeekanawu nuna aybi maaddana danddayii?

• Nuuni xannaꞌanawu goꞌettiyo Geeshsha Maxaafan ayba malaatata wottana danddayiyoo?

• Xoossaa Qaalaa xannaꞌiyo wode, wotti dentti qoppiyoogee keehi koshshiyoy aybissee?

• Nuuni eridobaa waatana koshshii?