Hidaariyan, Xoossaa Kawotettaabaa Asawu Yootiyo Dumma Zamachchaa

Yesuusi “Xoossaa kawotettaa wonggeliyaa mishiraachchuwaa” yootiis. (Luq 4:43) Asay he Kawotettaabaa woossanaadan I tamaarissiis. (Maa 6:9, 10) Hidaare aginan, Xoossaa Kawotettaabaa asawu yootanawu kaseegaappe aaruwan baaxetana. (Maa 24:14) Ha zamachchaa loytta oottanawu ne prograamiyaa giigissa. He aginan kaafiya aqinye gidida ubbay 30 woy 50 saatiyaa haggaazanawu doorana danddayees.

Danddayettida ubban ne moottan deꞌiya daro asawu Xoossaa Kawotettaabaa yootiya issi xiqisiyaa nabbaba. Neeni issi xiqisiyaa dooriyo wode, eta haymaanootiyaabaa qoppa. Neeni koyro haasayissiyo wode issi uri siyanawu koyiyaaba gidikko, asawu immiyo Wochiyo Keelaa paydo 2 2020gaa imma. Yaatada sohuwaara zaaretta oychcha; qassi Tamaarissanawu Goꞌettiyo Waanna Miishshatuppe issi xuufiyaa goꞌettada Geeshsha Maxaafaa xannaꞌissiyoogaa doommanawu mala. Keehi mata wode Xoossaa Kawotettaara eqettiya kawotettata ubbaa A Kawotettay muleera xayssana. (Dane 2:44; 1Qor 15:24, 25) Hegaa gishshawu, Yihoowawunne A Kawotettawu hashetiyoogaa bessiyo ha dumma injjiyaa loytti goꞌettiyaageeta gidoos!