Keehi Loꞌꞌo Gidida Ooratta Alamee Matidoogaa Mishiraachchuwaa Yoota!

Hidaare aginan, keehi loꞌꞌo gidida ooratta alamee matidoogaabaa asawu yootanawu kaseegaappe aaruwan baaxetana. (Maz 37:10, 11; Ajj 21:3-5) He zamachchan minnada oottanawu ne prograamiyaa giigissa. He aginan kaafiya aqinye gidanawu qitsiyaa kunttikko, 30 woy 50 saatiyaa haggaazanawu doorana danddayaasa.

Ooratta alamiyaa xeelliyaagan neessi danddayettida keenan daro asawu yootanawu xiqiseta giigissa. Geeshsha Maxaafaa xiqisiyaa giigissiyo wode, ne moottan deꞌiya asaa ufayssana danddayiyaagee awugaakko qoppa. Koyro haasayissiyo issi uri gujjidi eranawu koyikko, asawu immiyo Wochchiyo Keelaa Paydo. 2 2021 izaawussi imma. Yaatada, danddayettikko Merinawu Ufayttada Deꞌa! giya broshuriyaa goꞌettada Geeshsha Maxaafaa xannaꞌissiyoogaa takkennan doomissa. “Lo77o mishiraachchuwaa” minnidi yootiyoogee ayba ufayssii!—Isi 52:7.

YAANA OORATTA ALAMIYAA GIYA BIIDUWAN GIIGIDA MAZAMURIYAA BESSA, YAATIDI KAALLIYA OYSHATA ZAARITE:

• Guutta naꞌiyaa qoppaydda deꞌiyo, sinttaappe demmana ufayssiyaabay aybee?

• Neeni sinttappe demmanawu yeemuwan naagiyoobay aybee?

• Ne hidootaa wotta dentta qoppiyoogee Hidaare aginaa zamachchan minnada haggaazanaadan nena waati maaddanee?—Luq 6:45