Masqqala Aginan, Xoossaa Kawotettaabaa Asawu Yootiyo Dumma Zamachchaa!

Asaa metuwa xayssana danddayiyay Xoossaa Kawotetta xalla gidiyogaa asawu yootanawu Masqqala aginan kaseegaappe aaruwan baaxetana. (Maa 24:14) He zamachchan waana hashetana danddayay? He aginan danddayettida keenan ne moottan deꞌiya daro asawu Xoossaa Kawotettaabaa yootiya issi xiqisiya nabbaba. Neeni haasayissiyo uri siyanawu koyikko, asawu immiyo Wochchiyo Keelaa paydo 2 2020gaa imma. Yaatada sohuwara zaaretta oychcha; qassi Merinawu Ufayttada Deꞌa! giyo broshuriya goꞌettada Geeshsha Maxaafaa xannaꞌissiyoogaa doommanawu mala. Masqqala aginan kaafiya aqinye gidida ubbay 15 woy 30 saatiya haggaazanawu doorana danddayees.

Xoossaa Kawotettay banaara eqettiya kawotettata ubbaa mata wode muleera xayssana. (Dane 2:44; 1Qor 15:24, 25) Hegaa gishshawu, Yihoowawunne A Kawotettawu exatiyogaa bessiyo ha dumma injjiya loytti goꞌettiyageeta gidoos!