KOVIDEE 6 Miiloone Asaa Woriis—Geeshsha Maxaafay Yootiyoobaa

Alamiyaa Payyatettaa Dirijjitee (WHO) yootiyoogaadan, Uddufune 23, 2022 gakkanaassi, 6.27 miiloone asay KOVID-19 harggiya gaasuwan hayqqiis. Gidoppe attin, WHO Uddufune 5, 2022n oduwan kessidobay hayqqida asay hegaappekka darana danddayiyoogaa qonccissiis. He oduwan, 2020ninne 2021n, “KOVID-19 wurssiya harggiyan woy he harggee gaaso gidin hayqqida asaa qoday muleera . . . 14.9 miiloone gidana danddayiyoogee” xaafettiis. Hegaa mala azzanttiyaabaa xeelliyaagan Geeshsha Maxaafay yootiyoobi deꞌii?

Wurssiya harggiyaabay Geeshsha Maxaafan kasetidi odettiis

•  Yesuusi ‘wurssetta gallassa’ geetettiya wodiyan wori wurssiya harggee denddanaagaa kasetidi yootiis.—Luqaasa 21:11; 2 Ximootiyoosa 3:1.

Yesuusi yootido hiraagay ha wodiyan polettiiddi deꞌees. Gujjada eranawu, “‘Wurssettaa Gallassatu’ woy ‘Wurssetta Wodiyaa’ Malaatay Aybee?” (Amaarattuwan) giya huuphe yohuwaa nabbaba.

Geeshsha Maxaafay Minttettiyaabaa yootees

•  “Minttetto ubbaa [Xoossay] . . . nu waaye ubban i nuna minttettees.”—2 Qoronttoosa 1:3, 4.

Eta siiqo dabboy hayqqido daroti Geeshsha Maxaafay yootiyooban minettidosona. “Kayyuwaappe Minettiyoogaa—Neeni Oottana Danddayiyoobaa” giyanne “Kayyottiyaageeta Maaddiya Waannabaa” giya huuphe yohota nabbabada akeekaa gujja.

Geeshsha Maxaafay Hegaa Merinawu Qaariyabaa Qonccissees

•  “Ne kawotettai yo; ne shenee saluwan hanidoogaadan, sa7ankka hano.”—Maatiyoosa 6:10.

Mata wode ‘Xoossaa kawotettay’ saꞌan ‘deꞌiya ooninne, “Taani harggays” geenna’ mala issibaa oottana. (Marqqoosa 1:14, 15; Isiyaasa 33:24) He saluwaa kawotettaabaanne he kawotettay oottanabaa eranawu Xoossaa Kawotettay Aybee? giya biiduwaa beꞌa.

Neeninne ne so asay Geeshsha Maxaafay yootiyo ufayssiyaaban goꞌettana mala Geeshsha maxaafay yootiyoobaa neeni gujjada eranaadan shoobboos.