Haddirssan: Harriken Iyan, Florida, USA, Masqqala 2022 (Sean Rayford/Getty Images); gidduwan: Aayyiyaa ba naꞌaara baqatawusu, Donesk, Yukireene, Isiine 2022 (Alex Chan Tsz Yuk/SOPA Images/LightRocket via Getty Images); ushachchan: Koronaa maraammarettiya daro asaa, Beejing, CHaynaa, Hosppune 2022 (Kevin Frayer/Getty Images)
NAAGI UTTITE!
2022: Unꞌꞌissiyaabay Kumido Layttaa—Geeshsha Maxaafay Woygii?
Nuuni 2022n, olaa, ikkonoomiyaa metuwaanne daafabay gakkiyoogaa oduwan darotoo siyida. He hanotati ayssi haniyaakko qonccissiyay Geeshsha Maxaafaa xalaala.
Ha 2022n hanidabatu tumu gaasuwaa
Aadhdhida layttan hanidabati Geeshsha Maxaafay ‘wurssetta gallassaa’ giyo wodiyan nuuni deꞌiyoogaa bessiya gujo naqaasha. (2 Ximootiyoosa 3:1) He wodee 1914n doommiis. Mata wode hanidabati Geeshsha Maxaafay nu wodiyaabaa kasetidi yootidobaara waani maayettiyaakko akeeka:
“Olaa.”—Maatiyoosa 24:6.
“2022y Olay Kaalettiyo Iitabaa Awurooppay Zaarettidi Beꞌido Laytta.”a
“Raashee Yukireene Woraajjiis” giya huuphe yohuwaa xeella.
‘Koshaa.’—Maatiyoosa 24:7.
“2022: Keehi Iita Kosha Layttaa.”b
“Yukireene Olay Alamiyan Kattay Kaseegaappe Aaruwan Qaxuwatanaadan Oottiis” giya huuphe yohuwaa xeella.
‘Wurssiya harggiyaa.’—Luqaasa 21:11.
“Poliyo giyo harggee zaarettidi aakkiis, geleshshuwaappe oyqqiya gorddomay dariis, qassi koronay qohiyoogaa aggibeenna.”c
“KOVIDEE 6 Miiloone Asaa Woriis” giya huuphe yohuwaa xeella.
‘Yashissiyaabaa.’—Luqaasa 21:11.
“Wolqqaama hombbiyaa, iray bukkennan xayiyoogaa, xaraga tamaanne diꞌuwaa. Ha 2022 boniyan iita carkkuwaa hanotan kumetta saꞌan xeetu shaꞌan qoodettiya asay hayqqiis, qassi miilooniyan qoodettiya asay deꞌiyoosaappe baqatiis.”d
“Kumetta Saꞌan Carkkoy Wolqqaama Hanotan suullidoogee Oduwan Odettiis” giya huuphe yohuwaa xeella.
‘Ooshshaa [woy, makkalaa].’—Luqaasa 21:9.
“Alamiyan ubbabaa waagay alꞌꞌidoogaa gaasuwan ikkonoomiyaa metuwan yiillotido gishshawu, asay kawotettaa eqettiyoogee 2022n keehippe dariis.”e
“Alamiyan Ubbabaa Waagay Alꞌꞌidoogaa” giya huuphe yohuwaa xeella.
Kaalliya laytti aybi hananee?
Sinttappe 2023n aybi hananaakko ooninne erana danddayenna. Matan Xoossaa Kawotettay woy saluwaa kawotettay ha saꞌaa hanotaa muleera laammanaagaa eroos. (Daaneela 2:44) He kawotettay asaa tuggawu gaaso gididabata xayssana, qassi Xoossaa shenee ha saꞌan hananaadan oottana.—Maatiyoosa 6:9, 10.
Neeni Yesuus Kiristtoosa zoriya kaallanaadaaninne alamiyan haniyaabati Geeshsha Maxaafaa hiraagay polettanaadan waati oottiyaakko akeekanaadan minttettoos. (Marqqoosa 13:37) Geeshsha Maxaafay ha wodiyan nena waati maaddana danddayiyaakko, qassi neeyyoonne ne so asawu sinttappe loꞌꞌo hidootay deꞌanaadan waati oottiyaakko gujjada eranawu hayyanaa nunaara gaytta.
a AP Niwus, “2022y Olay Kaalettiyo Iitabaa Awurooppay Zaarettidi Beꞌido Laytta,” Jil Lowlesi yootidoogaa, Tisaase 8, 2022.
b Worlid Fuud Pirogiraam, “Kumetta Saꞌan Kattay Qaxuwatiyoogaa.”
c JAMA Helz Forem, “Ubbasaa Gakkiya Harggiya Wodiyan Deꞌiyoogaa—Koronaappe doommidi Geleshshuwaappe Oyqqiya Gorddomaa, Poliyonne, Harggiyaa X gakkanaashin,” Lawrens O. Gosttin, JD yootidoogaa, Masqqala 22, 2022.
d Earth.Org, “Carkkuwaa Hanotay 2022 Boniyan Keehi Iitidoy Aybissee?” Marttina Igini, yootidoogaa, Xiqimita 24, 2022.
e Karnig Indowment for Intternaashinal Piis, “Ikkonoomiyaa Metuwaa Gaasuwan Yiillotidi Eqettiyoogee 2022n Ubbasan Dariis,” Tomaas Karotersinne Benjamin Feldmaani yootidoogaa, Tisaase 8, 2022.