Kiristtaanetanne Olaa—Geeshsha Maxaafay Yootiyoobaa

Nuuni Yukireene olan beꞌidoogaadan, Kiristtaane geetettiya haymaanooteta kaalettiyaageeti asay issi baggawu exatanaadan minttettidosona. Naaꞌꞌu baggankka haymaanootiya kaalettiyaageeti exatiyoogaa waati bessidaakko akeeka:

• “Bantta yelettido Yukireene biittaa olanawu yiidaageeta teqqanawu olettida ubbatussi gita bonchchoynne galatay bessees . . . Nuuni inttena awudekka nu wozanan wottidi, inttessi wozanappe woosoosinne maaddanawu intte miyyiyan doos.”—Kiyeve Metropolitan Epifaniyes I, Zi Jerusalem Post, Laappune 16, 2022.

• “Raashiya Orttodokise Woosa Keettaa Kaalettiyaagee Raashiya wotaaddaratussi issi Woggaa gallassi dumma haymaanoote prograamiyaa giigissidi, Moskkoy Yukireene oliyo wode, hegee ‘Raashetu xallay danddayiyooba gidiyoogaadan,’ eti bantta biittaa naagana mala minttettiis.”—Royters, Hosppune 3, 2022.

Kiristtaaneti olettana koshshii? Hegaa xeelliyaagan Geeshsha Maxaafay ay yootii?

Geeshsha Maxaafay yootiyo tumu yohuwaa

Geeshsha Maxaafay Yesuus Kiristtoosa tumuppe kaalliyaageeti olettennaagaa yootees.

• “Ne bisuwaa a shoohuwan zaarada wotta; aissi giikko, biso shoddiya ubbai bison haiqqana.”—Maatiyoosa 26:52.

  Ola kaafiya uri woy olettiya uri Yesuusi yootidobaa tumu azazettii?

• “Taani inttena ooratta azazuwaa azazais; issoi issuwaa siiqite. Taani inttena siiqidoogaadankka, intte issoi issuwaa siiqana bessees. Intte issoi issuwaara siiqettikko, ta erissiyo ashkkarata gidiyoogaa asai ubbai erana.”—Yohaannisa 13:34, 35.

  Olan issi baggawu exatiya uri Yesuusi ba erissiyo ashkkarata woy bana kaalliyaageeta erissees giido siiquwaa bessii?

Gujjada eranawu, “Kiristtaane Haymaanootee Olaa Kaafii?” giya, Amaarattuwan kiyida huuphe yohuwa nabbaba.

Ha wodiyan Kiristtaanetanne olaa

Ha wodiyan Kiristtaaneti ola olettana koshshenna giidi qoppiyoogee tumu bessiyaabee? Ee. ‘Wurssetta gallassata’ giyo ha nu wodiyan, Yesuusi tamaarissidoogaadan, “olaa timirttiyaa tamaarenna” asay deꞌanaagaa Geeshsha Maxaafay yootees.—Isiyaasa 2:2, 4.

• Gujjada eranawu, “Olaa Xoossay Waati Xeellii?” giya, Wochchiyo Keelan Amaarattuwan kiyida huuphe yohota xeella.

“Sarotettaa immiya Xoossai,” Yihoowaya saluwan deꞌiya ba kawotettaa baggaara asaa “naaquwaappenne makkalaappe” mati ashshana.—Piliphphisiyuusa 4:9; Mazamure 72:14.

• I hegaa waati oottanaakko eranawu, Xoossaa Kawotettay Aybee? giya biiduwaa beꞌa.